THE ART OF BEING IDLE

Katalaka. Bilog nga adlaw ang tanga ko. Wala ko kabalo kung ano ubrahon ko. Wala ka man pamati'an sa radyo kay liwat liwat man lang ang gina patukar. Kung mamati man ko sg drama sa AM, basi madugangan mangu ko. Wala man ko mantiniran nga lantawon sa TV. Ang libro ni Bob Ong, one hundred times ko na nabasa. Makaon ko pro wala man ko na gutom. Matulog, wala man na tuyo.




Mahampang na lang ko Gameboy... Shit! Guba gali ang bwisit! Kung ma solitaryo nalng ko bi? Total may baraha man ko di (astig pa ang designs). Hayy! Indi man ko ka concentrate sg gina hampang ko kay imbes mag solitaryo, ang mga babayi sa baraha ang na himutaran. Wala ko kabalo kung gaka arouse ako ukon mapatay sg kadlaw sg ila pose nga di ko ma intendihan.


Anyway, naka eleven tries na ako pero di ko man gyapon ma kwa. Badtrip! Nagdugang na gd boring. Sabagay timprano pa man ah.. basi may maubra pa an ko. Tambay na lang ko sa gwa balay. Pero ano ini?! Matyag ko daw sa ghost town ako naga istar. Maski isa ka tawo wala gd sang may naga agi, maski ido wala! Landong na lng tani, wala gd. Nahapunan lang ako sg tanga. Nag lala pa gd ni kay sa sulod balay.

Gusto ko na lang mag singgit "sunog" para mag guluwa mga tawo sa ila mga balay. Ano gd na ang gina ubra nila sa sulod sg mga balay nila man? Or ako lng gd ya ang wala ubra sa balay? Haay! mas gusto ko pa mag istar sa lugar kung diin damo mga chismosa sa dalan, mga pala inum sa tubang tyangee, mga tawo nga wala ubrahon kundi bantayan ang pareho nila nga wala man ubrahon. Kag mga tupad balay nga permi lng ga ilinaway tungod sg chismis. Mas exciting pa na! Ultimo halayan gna awayan. Di gani agaway bana. Astig! Kis'a mas mayu pa ma pa away tungod sa chismis kay sa ma patay ka sa mingaw.

But nahapunan lang ko, ga sirum na gani, wala gd sang may na gwa. Na isip ko na kung pila ka subay ang gapila sa kilid ko. Balik na lng ko sulod kag mag sulat basi may magsulod pa sa pinsar ko. Natulogan lang ko blangko gyapon ang papel....