HELL-ish MANILA TRAFFIC

Sa almost tatlo ko na di ka tuig diri sa Manila, subong ko palang na experience ang grabe nga traffic. Oo, gina hambal nila nga nag Metro Manila traffic is one of the worst sa kalibutan, apang kahapon ang pinaka malala (base sa akon).

Aga palang wala na untat ang ulan. As the day progressed, the rain gets worse. Dugangan pa sg hanging nga pwerte ka baskog, ang kilkig ko nga lawas pwede luparon. Pag out ko haling sa ubra, around 3 sg hapon, siguro mga tunga pa sa oras ang hulat ko para lang magtahaw ang ulan kay, may payong ka gid man, baliskad man japon sg hangin, so hulat ka na lang (huy'an ka na, basa ka pa). Sa Crossing [EDSA-Shaw], makita ko nga wala na naga hulag ang mga salakyan. Sa pinsar ko natural lang ini kay naga ulan.



Sang nakasakay na ako, mga tunga pa gid sa oras nga wala gahalin ang bus nga ginsakyan ko, wala pa kami katabok pakadto sa MegaMall. Maayo lng, ang driver namon nakadiskarte kag nangita alternate route. Liko kami sa Pasig, lusot sa kung diin (di ako familiar but I think around Julia Vargas kita ko nag labay kami sa Ultra), lusot gwa sa Ortigas Ave. sa may Robinson, balik sa EDSA. Diri na nag umpisa maglala.

Ang dalagan sg bus nga gina sakyan ko siguro mga 10 meters per hour. Sa Santolan-Crame area, malapit isa ka gatos nga salakyan ang na abreya. Halin sa gagmay nga private vehicles, taxi, SUVs, asta sa dalagko nga mga bus kag truck. Ang iban naubosan na lng sg gasolina tungod sg traffic.

Sg nakalampuwas kami pakadto Cubao asta sa may Kamuning, madasig ang dalagan namon. Medyo okay na. Wala na traffic. Nag sala ako.

Pag abot sa Quezon Ave., tanan nag untat. Wala ga hulag. Ang ulan nagabu'bu. Gin pamankot ko ang tupad ko kung ano na ang oras, tungod sa wala ako relo suksok kag ang akon nga N33(?) lowbatt na sa opisina palang, pero iban na ina nga istorya. Hambal ya 7:30. Didto ko na kagnabatyan ang gutom. Wala gid may nagsaka sa bus namon sg nagabaligya pagkaon, maski mani man lang. Di ko na gin pinsar pa ang gutom galing ang bus nga ginsakyan ko wala TV maski paano tani malingaw ka man bala aw or makibalita sa gakalatabu. Ang mabatian mo gid lang ay ang ginapatukar nga cell phone sg isa ka pasahero. Mantinir ka mati sa Honey My Love So Sweet sg April Boys. Sa ka lentee, kung ang mga agi pa mag hambal "constru" gali ya ang tonto. Hambal ko matulog nalang ako. Sige pa ulan. Baskog. Wala untat.

Pag bugtaw ko, ling-ling ko sa gwa. Ay abaw, si Regine man japon ang makita ko [Bench billboard]. Mankot ko liwat tupad ko. 8:15. Ma-isa na ako ka oras nakatulog, Quezon Ave man ko japon. Wala na gid ni ya pag-asa pa nga mag hulag. Nabatian ko ga isturyahanay mga driver (in Bisaya dialect although I could discern some) nga baha kuno sa Balintawak hanggang dibdib. Patay! Daw malusob gid tani haw. Ahay, ang driver namon kaluluoy lang. Wala pa ka kaon halin kagina sg aga. Mantinir lang kuno SkyFlakes.

Ang iban nga pasahero nag amat amat na palanaog kay wala na ini pag-as pa maghulag. Wala na tanto naga ulan. Nag hulat pa ako mga pila ka minuto, kag sa ulihi nag decide naman ko nga manaog kag mag lakat. Maski gutom, kapoy, naga talithi, go lang. Halos mga tawo naga lakat naman. Ang mga salakyan daw naga parada nalng. Mayo pa ang parada maski panu naga hulag. Ini ya ga parking na lang. Naka abot ako sa overpass sa may SM North. Gin balikid ko gin halinan ko halin sa babaw, ang dalan sa pakadtu'an ko, daw ang bilog nga Metro Manila nag untat. Ang oras nag untat. Ang kalibutan nag unat libot. No choice na ako, lakton ko na gd lang ni asta sa makaya ka tiil ko. Di ka man makulbaan kaw halos tanan nga tawo nagalakat.

Lakat. ang taytay nga na agyan ko nag awas ang tubig. Ang balay sa kilid suba, wasak. Ang mga poster sg mga politiko nag kalataktak ang natumba. Ang karsada baha. Basura naga lapta. Lakat. Lalake, babaye, tigulang, ang iban may bitbit pa mga bata, mga naga'opisina wa na poise bitbit na ang high-heels, mga sosyalera lusong sa baha (what germs?). Depressed. Kapoy. Gutom. Lakat.

Diin na mga pulis kag mga MMDA kung kinanlan sila. Kung indi sila kinanlan ara sila, mangilkil. Dapat direktahan nila mga slakyan para di mag congest sa dalan, maghatag lugar para maka agi ang tanan. Apang wala ni isa ako sg may nakita. Si BF sugid man lang gina ubra sa dalanon sg Manila, pero tungod di sila naka experience sg traffic nga tuod, indi nila ma batyagan ang na batyagan ka mga ordinaryo nga mga tawo. Kay kung may traffic gid man, pila gd na paandaron ang wang-wang man. Palahigan lang na ya sila. Mga politiko ta, wang-wang ang solusyon sa traffic. Kis-a abuso na. Wala man sa rason ang gamit nila. Ang mga ordinaryo nga tawo ang naga pinitensya nga kung sa bagay sila ang naga bayad buwis nga gna pasweldo sa ila. Sila ya pa kape-kape lang sa balay nila kung matugnaw ang tyempo. Kita ya antos.

Sa ulihi, nakaabot gid man ko sa balay. 10:48. Perdi pa ni ang laktanay ko sang una kung mag Dinagyang sa Iloilo. Wala na gana mag kaon. Lipas gutom. Husto na lang mag higda.

Ahay ang iban siguro na agahan lang sa karsada. Tani wala may nagkalatabu nga indi ano. Kag sa mga pulitiko ta, tani dunlan kamo.