AdsPros

Naga istar kita sa kalibutan sg mga commercial mga abyan. Ginahambalan kita kung anu ang mga kinahanlanon naton pareho nga wala kita kabalu kung anu ang imporatante sa kabuhi ta.Pareho sg mga bata nga wala nakabalu kung ano ang ginatawag nga necessity kag kung anu ang gusto lang naton ma'ankon. Ang ginatwag nga mga needs subong ginabuhat pero talagsa lang makita, tungod ang need nga na'ankon na indi na kinanlan ibaligya.

Ang mga promisa nga sa sobra na kadamuon maski ang aton mga dulungan indi na kaya pamatian tanan. Indi mo na mabal'an kung sino ang nagahambal sg matuod kag kung sino ang indi. Kaya gd man na sg isa ka produkto? Ukon isa lang ina kapgalinlang sa aton? Mabudlay na subong madistigir.

Ang tanan bag'o ukon ginpapag'o kag ginpamayu; kung indi bag'o, guba. Ang tanan ginbuhat para ihaboy kag islan. Ang mga auto nagadugay lang sg pila ka tuig kag ang kabuhi sg computer pwede makoparar sa tinapay.

Nag'abot na kita kung sa diin ang pagbaligya pareho na sg pagtulod sg druga. Ang tanan nagagutok na sa tutunlan ta kag tanan na nabuhat para lang maghuni ang cash register. Ang tanan sexy, tanan cool, wala ang siguro ang gina tawag nga balor.

Pero ano mahimo ta kung ang isa ka bagay mayu lang tungod sg iya presyo.Tungod mabakal na ang kalag sg tawo kag sa wala nga dugang nga interest. Matyag ko barato na gd ang mga kalag subong mga paniempo. Pero ina ang ginatawag nga "supply and demand", tanan gusto magbaligya pero wala interesado magbakal.

Kung ang tanan nalipay, laban laban ang ekonomiya mapatay. Amo na nga kinanhalanlan ang tawo mangabuhi sg miserable. Ang busog pagutman, ang sikat indi pag akseptaron, and mga kontento kinanlan pabatyagon sg kabudlay. Kung kaya nila kita pabatyagon kasakit, kaya nila kita baligyaan sg produkto para madula ina.

Anu mahimo ta? Paanu naton protektahan ang aton lawas sg naga'alipusta sg aton kalipayan? Talikdan ta lang ang mga bagay nga ini kag indi na mag balikid? Makaya ta ayhan i-filter ang mga makita naton para mabal'an ta kung anu ang maayu sa indi?

Sa tuod tuod lang, wala kita mahimo, tanan nga lugar nga pwede butangan poster butangan gd na nila. Ang TV kag mga magazines gahatag libre nga kalipayanm, pero sa ano nga balyo sa katawhan? Makaya ta pabayluhan ang tseke upod sa kalag ta para di mautod ng kahibanangan ta? Kaya ta isakripisyo ukon pabay'an ta ang kalibutan sa kahipsan?

Naga gwa nga ang sabat indi, tungod ang mga bagay nagasulod sa ulo sg kada'isa katawo kag sige lang ina balyu sa adlaw adlaw nga tanan para lang indi kita mapatay ang kamingaw, para lang indi maminsar sg ila lawas.