Tay!
Musta ka na da? Diin ka subong man? Pero kung diin ka man, bal'an ko nga mayo na ang plastada mo dira. Grabe ulihi ta nga kit'anay 13 palang ako, subong mas gwapo na ko sa imo. He he. Teh, kundi wala mo makita kung anu ka gwapo subang mo subong. Pero sige lang makit'anay gid kita balang araw.
Mayo man kami diri ah, survive man, maski budlay ang pangabuhi. Baw, gin bilin mo ako nga lamharon palang, na pwersahan nalang ko nga mag tindog bilang tatay sa mga utod ko eh. Although, medyo wala na tuman ang expectations, pero sige lang ang imnportante, lipay lang kag wala gamo. Ay may apo ka na gale, pero indi sa akon. Dugay pa na ya sa akon ah. Damo problema sa balay, pero gina tinguhaan man nga masolbar ah.
Siguro kung ari ka di subong, upod kita permi hampang basket kag chess asta pusoy dos kung; hagaron ta sa pañero Boy eh. Inom inom ta sa balay, pero bal'an ko kung mauntat ka na inom after mo gwa sa hospital. Tani sang ari ka pa diri, gin tudluan mo ko mag gitara. Handom kag dumot ko asta subong magtukar gitara. Syempre mahilig man ko daan sa music, diin pa ako bi ma sunod? Daya'on ka imo ya, gulpi ka lang nag halin.
Pero sa tuod, nahidlaw na ako sa imo. Nabudlayan ako, pero gina kaya ko, para sa mga manghod ko kag si nanay. Di ko gusto manging emosyonal basi tulo sip'on ko. Pero isa ka bagay lang gusto ko hambal sa imo, palangga ta ka, kag maski bitin pag updanay naton, ikaw ang the best!
Happy Father's Day gali ah!
Ang pinakagwapo mo nga bata,
Noy
No comments:
Post a Comment